Avropa ittifoğədə Tırkiyə komilə uzv beyro Ərdoğani tələb

Tırkiyə prezdent de Avropa ittifoği kamissiya yol telefoniyə votımonədə votışe: ım ittifoğ be Tırkiyə komil ni.

Milodi 1987 minnə sorədə, Avropa ittifoğədə uzv bey tələbi bəyonış kardə və Milodi 2005 minnə sorədə çəy barədə muzakirəon bino bıə, əmmo tosə ısət be nəticə mandə. Tırkiyə rəsmi şəxson voteydən: de kali Avropa ittifoği uzvon vositə, kali siyasi maneon icod kardey əcumlə Yunani kişvər, muzakirəon be hərəkət mandə.

Tırkiyə rəsmi şəxson həmçınin bəyonış kardə Avropa ittifoğ hiç vaxt karde zınəş ni be ım ki ım ittifoğədə uzv bıbu qlobal meydonədə ıştəni nışo bıdə. De ım vucud tojədən Tırkiyədə bıə Avropa parlamenti raporter, Naço Sançez Amor votışe: Tırkiyədə oxonə səçıni bəpeşt, Avropa ittifoğədə ım kişvəri uzv bey prosses imkonış ni.

Bə Anatoli aqentiyəti raporti əsos, Tırkiyə prezdentii rabitəon idorə bəyoniyə əsos, Şənbə rujədə ım kişvəri prezdent, Rəcəb Təyyeb Ərdoğan de Avropa ittifoği kamissiya yol, Orzola Fon Derlayn Ankara rabitəon və ım ittifoği barədə votışe: məntəğə səthədə de behranon mubarizə kardey muvəffəğiyətinə roy, de Tırkiyə Avropa ittifoği həmkoəti zumand kardeye.