Rusiyə, Ğəzaxıston iyən Ozbəkistoni qazi 3curnə ittifoği hevujəti
Rusiyə xarıci vəzorətxonə iğtisodi həmkoətion baxşi mudir, Ozbəkiston, Ğəzaxıston iyən Rusiyə miyono qazi ittifoği hevujətiku xəbəş do.
Milodi dəvardə sorədə, Moskva tərəfo, 3curnə ittifoği ılan bəyon bıə ki Rusiyə qaz Ğəzaxıstoni sərzəmini royku bə Ozbəkiston ovoştoniyə bıbu. həminə barədə, Milodi 2023 minnə sori Yanvarə manqədə, Rusiyə prom qaz və Ozbəkistoni enerji vəzorətxonə qazi sənayeədə həmkoəti roy plani imzo kardışone.
Bə Fars aqentiyəti raporti əsos ki Astanəku nəğlış kardə, Rusiyə xarıci vəzorətxonə iğtisodi həmkoətion baxşi mudir, Dimitri Biriçfeski votışe: de tojə kişvəron varid bey Rusiyə, Ğəzaxıston və Ozbəkistoni qazi ittifoği hevujəti imkon icod bəbe.
Rusiyə xarıci vəzorətxonə iğtisodi həmkoətion baxşi mudir ijən əlovəş kardə: əmə de ım həmkoətionro hozzoim əmmə bəpe ım sazışon həmmə kişvəronro çok iyən konstractiv bıbu və bə həmmə iştirokəkəyon nəzəon həm diğğət bıbu.
dəvardə sori Azərə manqədə Rusiyə Federasiya yoli sıxənəvot de mediya votımonədə votışe: Rusiyə, Ğəzaxıston iyən Ozbəkistoni miyono qazi ittifoği fik, de diğğət bə 3 tərəfi xusiyəton vey rabitəoş heste və ım kişvəron mənafe təmin kardeedə.
Rusiyə ım rəsmi şəxs əlovəş kardə: de diğğət bə Ğəzaxıston iyən Ozbəkistoni iğtisodi ozavziyə ım kişvəron bə veyə qaz ehtiyocışon heste ki bəpe ıştə daxıli ehtiyoc təmin iyən bə co qılə kişvəron həm ixrac bıkon.
