Bə Ermənistoni ələyh Azərbaycan R. iddio

Azərbaycan R. iddioş kardə ki Ermənistoni silohinə ğıvvon, Nəxcəvani məntəğədə ım kişvəron vırəon qullə ğandışe.

Bə İsna aqentiyəti raporti əsos,  Azərbaycan R. mudafiə vəzorətxonə qıləy bəyoniyədə iddioş kardə: Nəxcəvani mıstəğilə Respublika Şaror məntəğədə Havoş qədə şəhri roy dəvomnədə ım kişvəri ərtışi vahidon vırə, Ermənistoni silohinə ğıvvon səmtiku həmlə bıə.

Im bəyoniyədə omə, Azərbaycan R. ərtış həm kali hərəkəton əncomış do.

Çımiku bənav həm Boku, Ermənistoi ğıvvon mıttəhəmış kardə be ki Nəxcəvan Sədək məntəğədə bə Heydərabad qədə şəhr de sıbıkə siloh qullə ğandş be.

Milodi 2020 minnə sorədə Ğərəboği 44 rujə canq, de Rusiyə vositəçiyəti iyən Erməniston və Azərbaycan Respublika miyono otəş basti sazışon imzo kardey sə bıə.ım canqi oxoədə İrəvan, bə Azəri tərəfi mənafe əsos, Ğərəboği çand qılə baxşi ıştə dastiku doşe.