Tanker Torkerz:Hormozi tanqədə hiç qıləy natəşıkırın bəçəş çiyedəni

Nati Məhsulon Ropəydo kardey Şirkət bə Naviqasiyə şikilon əsos xəbəş doə ki,Hormozi tanqəku tojə hiç qıləy natəşıkırın dəvardəni.

Im qıləy şərayitədəy ki,bə Sepah Dıyo Ğıvvon komandan Qenaral Tanqsiri votey əsos,Hormozi tanqə hənuz həm hərbi formədə bastə bıəni iyən sırfən bəy nəzorət kardey beydə.Royterzi nıvıştəşe ki,nati ğıymət de İroni bo nati ixracati onbyektonro çe asiyə ğərbi canqi barədə bıə təhdidon,3 fayiz ziyod bıə və natə vıjoron dəvardə şəvi nimədə har barel de 106 dolarisə bəpe oj bıən.Valstrit Jurnali həm nıvıştəşe ki,natə şirkəton mudiron bə trampi devləton norohətəkə mesajonışon vığandə və xəbərdorətişon doə ki,çe enerji behron şiddətin bəbe.