İİR iyən Yaponiyə xarici koon vəziron telefonə votemon

Seyd Əbbos İrağçi iyən Toşimito Muteqi telefonə təmosədə çe Amerkə iyən sehyonist rejimi tojə canqi reqiyonal və qlobal təsir iyən nəticəon barədə sıhbət kardışone.

Seyd Əbbos İrağçi iyən Toşimito Muteqi telefonə təmosədə çe Amerkə iyən sehyonist rejimi bə ironi kişfəri ələyh kardə hərbi təcovuzi ətrofədə bıə çe məntəğə oxonə hodisəon iyən çın hodisəon reqiyonal və qlobal təsir iyən nəticəon həxədə diyaloqışon dəvordınə.İroni xarici koon vəzir bə oxonə hodisəon ğıymət doə holədə təkidış kardə ki,İroni İslomi Respublikə deştə ğoymə əzm iyən zumandə mıdofiyə çe amerkə iyən sehyonist rejimi təcovuzi mığobilədə bəmande iyən bın ko dəvom bədoe.əmmo bə beynəlxalğə camiyə vocibe ki,de təcovuzkoron təvəssıti beynəlxalğə huğuğon iyən İMT nizomnomə oşkoə surətədə darıştey,məhkum bıkon və əvoni bəçəvon kardə cinoyət iyən ğanun darıştey xoto bə məsuliyyəti cəlb bıkon.Ərağçi çe İroni bə İroni milləti ələyh bə təcovuzkoron reqiyonədə bıə hərbi bazə iyən imkonoton kardə hucumış de İroni ğanuni ıştəni mıdofiyə həxı mıtobiğış zıne və təkidış karde ki,ın hərəkəton de hiç qıləy vəchi bəpe bənə İroni bə ın kişfəron həmlə mənoədə zıney nıbu.Yaponiyə xarici koon vəzir həm çın kişfəri çe amerkə iyən sehyonist rejimi bə məntəğə bıə təcovuzi nəticəon iyən təsiron mığobilədə bıə nəzə şərh doə holədə,bə deskalasiya de diplomatiyə roy həlli təkidış kardə.