Bağırikəni: İron və Rusiyə rabitəon stratejik iyən təsirine

İroni xarıci vəziri siyosi muavin, İron İslom Respublika və Rusiyə rabitəon vey stratejik zınəşe.

Oktiyabrə manqi 26 minnə rujədə İroni xarıci vəziri muavin Əli Bağırikəni,bə Rusiyə xarıci vəziri muavini dəvəti əsos, 2tərəfi rabitəon barədə və işğoliyə Fələstini təhəvvulaton barədə məşvərət kardey xoto, bə Moskva səfərış kardə.

Bağeırikəni bə Moskva ıştə səfəri cərəyonədə de Rusiyə xarıci vəziri muavin Serqey Riyabkof, Rusiyə xarıci vəzorətxonə muavin, Mixail Qalizin, Rusiyə əmniyyət şura sərkatibi muavin, Əleksander Vendiktof və Afrika və Asiya ğərb koonədə prezdenti məxsusə nımoyəndə Mixail Baqdanev və həmçınin Həmasi hərəkəti siyosi ofisi uzv Musa Əbomərzoğ vindemon və votımonış kardə.

rujədə İroni xarıci vəziri muavin Əli Bağırikəni Moskvaədə ıştə siyosi məşvərəton oxoədə votışe: İron və Rusiyə iğtisodi və siyosi muxtəlifə baxşonədə vey çokə həmkoətion iyən rabitəon soybin.

Bə İran Peres aqentiyəti raporti əsos, rujədə İroni xarıci vəziri muavin Əli Bağırikəni ijən əlovəş kardə: bə Moskva səfə cərəyonədə de 3 nəfər Rusiyə xarıci vəzorətxonə muavin vindemon və təziğinə votımonon əncom bıə və məntəğə və beynəlxalğə muxtəlifə mevzuon xususi Ğəzzə canq və bə fələstini milləti ələyh sionist rejimi cinoyəton mevzoon təğib bıə.