İron və Rusiyə parlamenti dustiyəti qrupon bə 2 qılə kişvəri dıroz mıddətə həmkoəti komilə sazışnomə icro bey təkid kardışone
İron və Rusiyə parlamenti dusti qrupon iclosədə, bə 2 qılə kişvəri dıroz mıddətə həmkoəti komilə mığuvilə təkid bıə.
İron İslom Respublika və Rusiyə Federasiya parlamenti dusti qrupi heyət, Çoşəmbə rujədə de parlamenti rabitəon inkişofi hədəf, və rəsmi səfədə bə Moskva varid bıə.
Bə İrna raporti əsos, Rusiyə devləti duma iyən İslomi Şura parlamenti dusti qrupon mıştərəkə iclosədə, ki Moskvaədə de İroni səfiri iştiroki bərpo bıə, İron və Rusiyə parlamenti dusti qrupi İroni tərəfo sədr, İbreym Rezai votışe: ımruj 2tərəfi parlamenti rabitəon vey çokə səthədə ğərorış qətə.
İron və Rusiyə parlamenti dusti qrupi İroni tərəfo sədr ijən de işorə bə Milodi 2021 minnə sorədə bə Moskva İron İslom Respublika prezdent Seyd İbreym Rəyisi səfə, ijən votışe: ım səfədə 2 qılə kişvəri yolon təvafuğ kardışone ki iminnə qəmədə, 2 qılə kişvəri iğtisodi və ticori rabitəon tosə 10 milyard dollar hevuj bıbu.
Rezai ijən de təkid bə ım hədəf dast peydo kardeyro, 2tərəfi cəhdon zərurət votışe: mıştərəkə planonədə rə icod kardey bənə şimol-cənub koridori strukturon komil kardey iyən Volqa kanali təmiz kardey bərnoməon zəruri iyən bə 2 qılə kişvəri mənafe heste.
İron və Rusiyə parlamenti dusti qrupi İroni tərəfo sədr ijən Ğəzzədə sionist rejimi cinoyəton barədə əlovəş kardə: Fələstini hırdənon və jenon ğətli-am kardeyro, sioniston kəşfiyot, əmniyyəti, siyosi və iğtisodi vey muhimmə pənohqoŞ Amerkə bə hisob omeydə və əvon hətto İMT əmniyyət şuraədə həm mıdoxilə və ıştə xəbisə planon icro kardedən.
