De Tehron və Moskva stratejikə rabitəon hevujəti, sanksiyaon be təsir bəbe

İron və Rusiyə parlamenti dustiyə qrupi yolon, təkidışon kardə: de Tehron və Moskva stratejikə rabitəon hevujəti, sanksiyaon be təsir bəbe.

Dekabrə manqi 7 minnə rujədə, bə Rusiyə prezdent Veladimier Putini dəvəti əsos, İron İslom Respublika prezdent, Seyd İbreym rəyisi, de iğtisodi və siyosi ali şəxson heyəti bə ico, bə Moskva səfərış kardə.

De Rusiyə prezdent Veladimier Putini 2trərəfiyə votımon və vindemon, ali heyəton iclosədə iştirok kardey və 2 qılə kişvər iyən mıştərəkə məsələon barədə votımon kardey, xususi Ğəzzə təhəvvulaton və iğtisodi məsələon barədə sıhbət kardey əcumlə bə Rusiyə İron İslom Respublika prezdenti səfə bərnoməonku bə hisob omeydə be.

Bə İrna raporti əsos, İron və Rusiyə parlamenti dustiyə qrupi yol, İbreym Rezai, bə Moskva prezdenti səfə vey muhimm və təsirin zınəşe və votışe: Tehron və Moskva rabitəon hevujəti bənə 2 qılə kişvər ki ğərbi zalımonə sanksiya jiədən, komək kardedə ki sanksiyaon peqətey və xunsa kardeyro yande zərfiyətonku istifodə kənən.