Boku de İrəvani sulhi muzakirəon prosesədə bıə xarıci mıdoxiləon muxalifətış kardə.

Azərbaycan R. qıləy rəsmi şəxs məntəğədə bə stabilə sulhiro bə Boku irodə təkidış kardə və votışe: bəpe ım prossesədə hiç qılə kişvər mıdoxilə nıko.

30 sore ki Azərbaycan R. iyən Erməniston Ğərəboği bandiyə məntəğə məsələ barədə ixtilofışon heste. Sentiyabr manqədə, Azərbaycan R. qıləy hərbi əməliyot ğolibədə ım məntəğə bə dastış qətə. De vaveon vvə marzi muxtəlifə daveon vıcudi, çand kərə 2 qılə kişvəri rəsmi şəxson rabitəon normal kardey iyən bə sulh rəsey ehtımoli barədə sıhbət kardışone.

Dəvardə rujonədə həm Azərbaycan R. prezdent,İlham Əliyev de Britaniya xarıci vəziri parlamenti muavin, Leo Doçerti vindemonədə votışe: Boku iyə İrəvani miyono sulhi sazışi imzo kardeyro hiç qılə mane mıvcud ni, və sulhi sazışi iyən rabitəon normal kardeyro de Erməniston votımon kardeyro hozzoimon.

Cari manqi əvvəlnə rujonədə 2 qılə kişvəri çand nəfər ıştə əsiron mıbodiləşon kardə və peşo rabitəon normal kardey mıştərəkə bəyoniyə imzo kardışon be.

Bə İrna Seşəmbə ruji raporti əsos, Londonədə qıləy mətbuati konfransədə Azərbaycan R. prezdenti xarıci siyosəti ali mışovir, Hikmət Haciyev votışe: de İrəvan qıləy stabilə sulhi qarantiya kardeyro, Boku hiç mane vindeydə ni və etığadış heste ki 2 qılə kişvəri marzon təyin kardey məsələ karde bəzne həl bıbu.

Haciyev ijən əlovəş kardə: Erməniston iyən Azərbaycan R. miyono 35 sornə canq bə oxo rəsə və Boku stratejik bə sulh rəseye ki bə 2tərəf həmkoəti ehtiyocış heste.

Amerkə və Avropa ittifoğ çand kərə heste ki de muxtəlifə metodon cəhdışon kardə bənə vositəçiyəti rol məntəğə məsələonədə mıdoxilə bıkon əmmo Haciyev bə İrəvan və Boku rəsmi şəxson sərostə votımonon əhəmiyyəti təkid və ım məsələ sulhi icod kardeyro yeqanə roy zınəşe.