Pakistoni nati vəzir: İroni qazi plan, Pakiston kişvəriro ehtiyoce
Pakistoni nati vəzir votışe: çəy kişvər İron İslom Respublikaku bə qazi ovoştoniye ehtiyocış heste.
Pakistoni nati vəzir Mosəddeğ Mələk Pakistoni Ciyo Niyoz kanalədə İron və Pakistoni qazi lulə xəti məsələon barədə əlovəş kardə: İslomabad ım palni inkişof doey pidəşe və rəsmi surət həm bə İroni devlət ım məsələ elonış kardə.
Mosəddeğ Mələk ijən de İron, Pakistoni qazi mıştərəkə plani icro bey royədə bə Amerkə problem icod kardey işorəş kardə iyən votışe: de ım vecud ki İrağ, Tırkiyə və ya Azərbaycan Respublika sanksiya nıbey imtiyoziku istifodə kardey əzışon heste, çən Pakiston həm bəpe ım imtiyoziku istifodə bıko iyən İroni qazi lulə xəti icro bıkon.
Bə həminə raporti əsos, Tehron və İslomabadi həmkoətion royədə, Amerkə devlət ıştə problem icod kardey dəvomədə elonış kardə ki Vaşinqton İron və Pakistoni miyono qazi ovoştoniye lulə xətti soxtey plani icro kardey dəvomiku himoyə kardedə ni.
