Tırkiyə prezdent: israil bəpe ıştə cinoyəti bə oxo bırosno
Tırkiyə prezdent votışe: ğərbi kişvəron ki bə İron, israili həmlə etırozışon be, bəpe bə Telaviv bıvotən ki Ğəzzə tanqədə ıştə cinoyəti vəy bıqəto.
Milodi 2024 minnə sori Aprelə manqi i minnə rujədə seonist rejim qıləy terroristiyə həmlədə Dəməşğədə bə İroni səforətxonə həmlə kardəş be ki ım həmlə cərəyonədə 7 nəfər İroni hərbi ali mışoviron şəhid bıən.
İroni həmmə ğıvvon komandir iyən İslomi İnğilobi Yolə rəhbər, Həzrəte Ayətullah Xamenei Telavivi ım hərəkət, bə İron İslom Respublika sərzəmini həmlə zınəşe iyən təkidış kardə ki seonit rejim tənbie bəbe.
Həminə cəhətədə Aprelə manqi 14 minnə rujədə İslomi İnğilobi Sepah Təşkilot bə işğol bıə sərzəminon səmt de rəket iyən bepilotə təyorəon vığandey vositə, ım rejimi tənbie kardəşe.
Həminə barədə və bə Anatoli aqentiyəti raporti əsos, pencşəmbə rujədə Ankaraədə, Tırkiyə prezdent, Rəcəb Təyyeb Ərdoğan, de Tanzaniya prezdent qıləy mıştərəkə iclosədə de təkid bə ım ki bəpe bə israil fırsət mdəmon ki Ğəzzə tanqədə ıştə vəhşiyə koon niyon bıkon ijən votışe: dəvardə ğərni vey yolə ğətliamonku qıləyni 195 ruje ki Ğəzzə dəvomış heste və bəpe vey cəhdon əncom bıbu ta ım ğətliam vəy qətə bıbu.
