Fələstin və muğaviməti mehvəriku Pokistoni siyosi qrupon və partiya himoyə
Pokistoni şiə və sınni qrupon və partiyaon, israili qenosid rejimi təcavuzi vədə, bə Pokistoni harcurnə sukuti reaksiya nışo doşone və təkid kardışone ki Pokistoni millət və ım kişvəri siyosi ğıvvon Fələstini millət və muğaviməti mehvəri kənoədə hestin.
Bə İrna raporti əsos, Fələstini muğaviməti cəhbə veyə cəmiyət, Pokistoni şiə və sınni qrupon və partiya yolon iyən ım kişvəri kali nımoyəndəon və milləti muxtlifə qrupon, yolə mitinqədə iştirok peydo kardışone və de bımardo israil və bımardo Amerkə şuaron doey vositə, Ğəzzə millətiku ıştə himoyə elon kardışone.
Im mitinqədə iştirokəkəyon Fələstin və Ğəzzə, islom dınyo vey muhimmə niqəronəti zıneydən və təkid kardışone ki Ğəzzə tanqə məzlumə millətiro xususi de Amerkə və israili qenosid rejimi xəbisə planon mubarizə bardey vədə, ədolət icro kardey, islom dınyo hakimon vey muhimmə ko bə hisob omeydə.
