Naxçıvani budcə ziyod kardə bə
Azərbaycani hokumət bə Naxçıvan Muxtar Respublika budcəş təkror diə kardə.
Maliyyə Vəzarəti doə məlumatədə, Naxçıvan Muxtar Respublika ğəzəncon iyən xarçon band proqnoz 500 milyon mənotiku bə 539 milyon mənot ros kardə be votə bedə.
Çimi əvəzədə bə muxtar respublika devlət budcəku co kardə dotasiya 343 milyon mənotiku bə 336 milyon mənot eğande təklif kardə bə.
Dotasiya 7 milyon mənot bə ji eğande piye səbəb bə Naxçıvan nat kırnie band xarcon ziyod be iddio kardə bə.
2022-minə sori noyabrədə DTX tərəfo Naxçıvan MR-də dəvonə əməliyyati nəticədə muxtar respublika kali vəzifəninə xonəxon dəstqir kardə bəbin. Çımon dılədə maliyyə vəzir Rəfael Əliyev, Tomojniə Komitə sərdor Səhət Həbibbəyli, Şəhərejənə iyən Arxitektura Komitə rəhbər Hicran Rustəmov hıstin. Çəvon barələdə cinayət ko xitam doə nıboən, əvon bə ozodəti vadoə bən.
İttihomon de milyon mənoti dələmurtəti band bən.
