Qurcistanədə İmom Mehdi (ə.s) mevlud ğeyd kardəşone
"İslamazəri.com" bə Qurcistani "Ahlibeyt.ge" sayti istinadən xəbə dodə ki, çe Marneuli şəhəri "Əhli-beyt(ə)" cəmiyyət de "Zeynəb" (s.ə) Jenon İbemoni bahəm de İmom Mehdi (ə.s) təvəlludi munasibəti qıley xışmətinə məclis dəvuniəşone. Məclisi əvvələdə bə Qurcistani mısılmonon çe Kərbəlo aləmon təğdim kardəşone. Çəyo Kərbəlayi Rza Cəfəri de ıştə reçinə avazi Qıroni-Kərimi çand qılə ayə tilavət, çe Az.Respublikaku Əhli - beyti(ə) məddah Seyid Peyman isə şeer və İlahion ifa kardəşone.
Beynəlxalqə Əl-Mustəfa(s) universiteti Qurcistani şebə rəhbər Haci Davud Zarii Zəmonə İmomi ali fəziləton həxədə votemon kardəşe.
Əmo Bokuədə bə Azərbaycani İslamə Partiya İmom Mehdi (ə.s) mevludi ğeyd karde ro jıqo qıley tədbiri dəvunie hokuməti icazə doəş ni, çey və səşe. Im Partiya sədr doktor Mevsum Səmədov çe zindono de ım əzizə ruji munasibəti Azərbaycani xalq və dınyo mısılmonon təbrik kardəşe. Votəşe ki, çəmə xalqon çe Həzrəti intizarədən, ısət bə həmə kəson oşkoe ki, çəmə bə hədəf rəse ro veyə vaxt mandəni. Dınyoədə, həmən Nezə Şərğədə hadison qardış ımi nişon dodə.
Nardarani Sipirişon Şura sədr Məşhədi Natiğ Kərimov və AİP sədri sabiğ muavin İnğilb Əhmədovi məhkəmə bə orəx rəsə. Əvon bə devləti xəyanətədə ittiham bedəbin. Mayə manqi 11 -ədə hakimi hukm bekardəşe. Natiğ Kərimov bə 7 sor şərti, İnğilab Əhmədov isə bə 5 sori muddət zindonə cəzo məhkum kardəşe.
