Əfv beynəl xalğiyə təşkilati etıroz bə Tırkiyədə fəalon dəstqir karde.
Əfv beynəl xalğiyə təşkilat və bəzi bə insonə həxon mudafiə əkə qrupon Tırkiyədə siyasi, iştimai əktivə şəxsiyəton dəstqir karde əməliyaton dəvomi niqəranəkə hisobışon kardə ijən jıqo bə Tırkiyə dıvləti tərəfiku əvoni həbs karde etırozışon kardə.
Bə İrib raporti əsos tojədən Tırkiyədə Əfv beynəl xalğiyə təşkilati çand qılə uzvon həbsi mıddəti deroz karde bəpeştə çın təşkilati qıləy aliyə uzv Milna Bayom elanış karde: Tırkiyə dıvlət bəbe çı insonə həxon ğanuni rioyət bıkə.
Tırkiyədə Əfv beynəl xalğiyə təşkilati təhğiğiyə hissə məsul Andre Qardner həm jıqo fəalə cəmaət iyən bə insonə həxon mudafiə əkə cəmaəti dəstqir karde befoydə və beəsos zınəş be.
Tırkiyə polis ğıvvon tojədən 8 qılə çı bəşər həxon mudafiə əkə əktivə şəxson əcumlə Tırkiyədə Əfv beynəl xalğiyə təşkilati mudir İdril Esri dəstqirış kardə ki çandə reaksiyaon bois bıə.
Əfv beynəl xalğiyə təşkilat Tırkiyə jıqonə hərəkətonış vey xətərnok və dıvləti çı polis ğıvvon ğudrətiku bə cəmaəti ələyh istifodə karde misdağ zınəş be.
Ərdoğani dıvlət Tırkiyədə hərbi nomuvəffəğə peqardımoni bəpeştə yəni dəvardə sori İyoniku detosə bə ısət 130 həzo nəfəriku vey cəmaəti dəstqir ya koyku bekardəşe.
