Bokuədə tasuaye Huseyni(ə) əzadariyə mərasim bərpo be.

Tasuaye Huseyni(ə) əzadariyə mərasim azərbaycan respublikaədə vəliyye fəğih nımayəndə huccətul islam vəlmuslimin seyd Əli Əkbər Ocağnejadı huzurədə çı məmləkəti mıslmonon iyən bokuədə bıə ironıjon iştirak kardeədə bərpo be.

Bə İRNA xəbon əsosi azərbaycan respublikaədə vəliyye fəğih nımayəndə muavin huccətul islam vəlmuslimin seyd Murtəza Ərdəbili bokuədə huseyniyə əzadaron cəmədə votışe:İmom Huseyn(ə) dınyo şiəyon 3 minnə imom  həxi roədə ğiyamış karde və bə həmmə ım dərsış do ki həxı roədə  kıştə be de botil jimon kardesə coke.