Boku dıvlət bə Avropa Şura Parlamentiyə icma tojə ğətnomə etırozış kardə.
-
Avropa Şura Parlamentiyə İcma tojə ğətnoməon.
Azərbaycan Respublika prezidenti məxsusə məsləhətçi Avropa Parlamentiyə Şura tojə iclosədə bə ım kişvəri əleyh 2 qılə sadir bıə ğətnomə məhkumış kardə ijən Azərbaycan Respublika iyən ım Şura miyono həmkari və əloğəon barədə ijən diyə karde tələbış kardə.
Bə İrna raporti əsos Əli Həsənov votışe: ım ki jıqo de həminə ğətnoməon vasitə bə Azərbaycan Respublika dıvlət fişaron dəvom peydo bıkə imkonış ni boçi ki əmə həm de ğəsd niyyəti sadir bıə ğətnoməon bəpeştə qədə qədə de Avropa Şura Parlament ıştə həmkari və rabitəon əvəz bəkamon.
Avropa Şura Parlamentiyə icma tojədən Azərbaycan Respublika kişvərədə bıə demokratikə təşkilaton bevəcə şərayet və fəaliyət ijən insonə həxon vəziyəti rioyət nıkarde xoto 2 qılə ğətnomə bə Boku dıvləti zidd təsdiğış kardə.
Çı Avropa Şura Parlamentiyə İcma iddiyaş kardə ki Azərbaycan Respublikaədə dıvləti orqanon miyono bo iştimai həx-huğuğon rioyət kardero həmohənqion ni.
İjən ım raportədə bə ğeyri dıvlətiyə təşkilaton zidd məhdudiyəton icod karde, inson həxon mudafiə əkə fəalon və siyasi əktivə şəxson iyən jurnaliston dəstqir karde işorə bıə.
Avropa Şura Parlamentiyə icma raporti dəvomədə muxalifon etıroz aksiyaon vədə çandə məhdudiyəton icod karde həm tənğid bıə.
