Cəhanqiri:Tehron və Boku mıxtəlif sahonədə çokə həmkarətişon heste.

İroni prezidenti 1 minnə muavini votışe:İron və Azərbaycan Respublika bəpe əmniyyəti təmin kardeyu iyən məntəğədə de radikalə qrupon mubarizə bardeyu nakonəsə ve həmkarəti bıkən.

Eshağ Cəhanqiri zinə Turkiyə İstanbul şəhrədə D8 qrupi iclosi kənoədə və de Azərbaycan Respublika president İlham Əliyevi təşkil doə vindımonədə əlavəş karde İron de məntəğə məmləkəton həmkarəti kardeədə de terroristiyə qrupon mubarizə barde holədəy ta məntəğə milləti rohətətiyu əmniyyət və oroməti bərğəror bıkə və islamiyə məmləkəton ə xətoə təhdidonku ki dınyo yolə ğıvvon məntəğədə icodışon kardə  nicat bıdə.

ironi prezidenti 1 minnə muavin Siyohə eyo bə Fars deyo vəsl kardeyu bə Tehron və Boku fəaliyyəton işarəş karde və votışe: ım tojə ro bəzne Qucistan Azərbaycan Respublika və ironi məntəğəiyə həmkarətion zumand karde.