Siyasi Məhbuson Mudafiə Mərkəzi iclas dəvuniəşe

Noyabri 19-minə ruji Siyasi Məhbuson Mudafiə Mərkəzi ıştə nubəti iclas dəvunişe. Bı iclasədə siyasi məhbuson vəziyyət, zindonədə çəvon jimonə şərait, məhkəmə proseson qardış və həniən co problemon muzakirə bıe. Mərkəzi uzvon votışone ki, Respublikadə siyasi səbəbiku dəstqir karde hadison hələn dəvom hestışe.

Əvon Mısılmonon İbemonə Hərəkati uzv Əhsən Nuruzadə, "Azadlıq" qəzeti muxbir Ziya Əsədli, jurnalist Məhbub Zulfiğarli, həmən 2016-minə sori yanvari 12 və 13 -minə rujonədə Siyəzənədə etirazə aksiya fəalonədə 11 nəfər ki, dəstqir kardə bıə, çəvon nomon bə siyasi məhbuson siyahi daxil kardışone.

İclasədə hokuməti tərəfo bə vəkilon təzyiğ, mustəğilə vəkilon çe məhkəməku diəro karde, sərbəst qırdbemon dəvunie imkan nıdoe fakton tənğid bin. İclasi iştirakəkon həmən ğeyd kardışone ki, Avropadə jimon kardə azərbaycanıjə siyasi fəalon Bətənədə mandə  ailə uzvon bə hokuməti təzyiği məruz mandedən, əvoni ce koyku beğandedən, hətto de həmonə siyasi fəali ğohomiətiku imtina karde məcbur kardedən.

İclasi orəxədə Siyasi Məhbuson Mudafiə Mərkəz bə ğəror ome ki, ıştə monitorinqi dəvom bıko, Respublikadə bəşəri huğuğon darışte fakton dair qıley hartərəfinə hesabat bınıvışto. Həmonə hesabati bə beynəlxalğə ictimaiyyəti və əlağədar təşkilaton təğdim bıko.

İm xəbə "Azadlıq.info" sayti pevolo kardəşe.