Azərbaycan Respublika Ğərəboği barde çı Avropa İ Bemoni tojə siyasətonış ğəbul kardə.

Ğərəboği məntəğədə iğtisodiyə şirkəton fəaliyəton barədə Avropa İ Bemoni tojə notaon çı Azərbaycan Respublika vindemoni cəlbış kardə.

Bə Aran Niyoz raporti əsos Azərbaycan Respublika xarıci vəzarətxanə sıxənəvot ım xəbə elan karde bəpeştə votışe: çı Avropa kamissiya ım curnə siyasəton ijən Ğərəboğədə bıə bə ticari, iğtisodiyə şirkəton fəaliyəton vəy qətə diğğət karde bo ım işğaliyə məntəğədə həğiği və huğuğiyə kompaniyaon huzuri ğədəğən kardero i minə hərəkəte ki Buko dıvləti siyasəton cəhətdəy.

Hikmət Haciyev təsdiğış kardə: Ğərəboğ əraziədə fəaliyəton huğuği cəhəto bo şirkəton iyən fəalə cəmaətonro problemon icod bəkay və peşo bə Azərbaycan Respublika səfər kardero əvon ijən həxışon ni.

Ğeyd kəmon ki Avropa İ Bemon Ğərəboğədə fəalə kompaniyaon huzuri barde xəbə dorti doe bə kəno ijən elanış kardə: bə Azərbaycan Respublika ğanuni əsos Ğərəboğədə fəaliyət əkə iğtisodi və ticari şirkəton de mədəni və cəzo məsuliyəti ğəbul karde bəbe ım huzuri riski ğəbul bıkon.

Azərbaycan Respublika və Ermənistoni miyono mınoğişə 1988-nə soriku bino bıə ijən 1994-nə soriku və otəş basti bə peştə de siyasi roon bə bohrani həl karde xoto fəaliyəton bino bıə əmmo Minsk qrup de Amerkə, Fransə və Russiyə mıştərəkə rəisəti hələ ım problem və mınoğişə həl kardəşon ni.