Bəhreynı Əlvifağ cəmiyyəti rəisi həbs karde hıkmi təsdiğ be bəpeştə ironi reaksiya.

İron İslam Respublika xarici koon vəzorətxonə sıxanəvot bəhreynı məmləkəti əpelasiya məhkəmədə çı məmləkəti Əlvifağ cəmiyyəti rəisi dırozə həbsi təsdiğ beş məhkum karde.

Bə ironi xarici koon vəzorətxonə mətbuatiyə mərkəzi elanon əsosi Bəhram Ğasimi bəhreynı Əlvifağ islamiyə cəmiyyəti rəis şeyx Əli Səlmanı dırozə həbsi təsdiğ be vədə votışe: bəhreynı sulh tələb bıkə rəhbəron vədə na ədalətinə hərəkəton iyən xışmqin və əmniyyətiyə rəftoron ne ımku ım məmləkəti veyə problemon həl əkə ni bəlkə sulh tələb bıkə roon tərəfdaron miyonədə bə naomidi bois bəbe.

Bəhram Ğasimi əlavəş karde məntəğəku bə kənoə məmləkəton extiyurədə hərbiyə mərkəzon ğəror doe iyən xariciyə hərbiyə ğıvvon bə ko dəvət karde bəhreynı əmniyyəti qarant əkə ni və ım məmləkəti hukumətiyu həm qıləy çokə ro bə hisob omedə ni.

Ğasimi həmçinin votışe: dınyo tarix və məxsusən məntəğə tarix dəvardə rujonku desbə ısət ve çok ım həğiğətış oşko kardə ki məmləkəton əmniyyəti qarant karde fəğət de milliyə dustiyəti və bəştə milləti ğıvvə buvə pəydo karde əsosədə mumkin bəbe.

ale xəlifə məhkəmə 2 şanbə ruji bə Bəhreynı Əlvifağ islamiyə cəmiyyəti rəis şeyx Əli Səlmanı zid pesoxtə bə bıhtonon xoto 9 sorə həbsış təsdiğ karde.