Pars Today

İron İslam Respublika prezident votışe: əqə Amerkə ətomiyə təvafuğiku xaric bıbu, dıyoədə vey xəsorəti bəvinde.

İron İslam prezident Həsən Ruhani zinə İroni Şərği Azərbaycan ostani Təbriz şəhri inkişof iyən iradəon iclosədə bəyonış kardə ki ısət canq çı iradəon canqe ijən vəomeku  noumu mande bo qıləy millətiro yolə risk heste.

Əv təsdiğış kardə ki mıvəffəğə xarıci siyasət, çı deşməni xəsorəti miğdori ziyod kardeye və əqə Amerkə çı İroni ətomiyə təvafuği lenqi jiədə bınə bo ım kişvər vey zərəl iyən bo İroniro vey kamə xəsorətış bəbe.

Ruhani votışe: Donald Trampi prezident bey faxtiku ım kişvər həmişə elanış kardə ki ətomiyə təvafuğiku xaric bəbe, əmma çumçiku ki ətomiyə təvafuğiku xarıc bey xəsorət vey ziyode, ım niyyəti əməliş nıkarde.

İron prezident Həsən Ruhani əlovəş kardə: ımruj sıvoy 2qılə kişvər dınyo həmmə kişvəron ətomiyə təvafuği lozime bey elanışon kardən, çən ım sənədiku Amerkə xaric bey səhve.

Ruhani çı İroni millət dınyoədə hərbi ğudrəti xıvand bıə yolə kişvəron iyən bəfodorə məmləkəton ğalibədə bəştə ehdə peqətə muğaviləon əməl əkəyon cəmədə hisob və əlovəş kardə: Amerkə prezident ki bəştə sıxəni əsos doşe çok-çoki zındəy, de İronofobiya bəhonə məntəğə kişvəronro oçıniyedə iyən ğarət kardə.

İroni prezident vəhdəti zuand be, milli sabitəti və dəğiğə proqramin karde bo kişvəri tərəqqi iyən inkişofiro zərori hisob kardə və votışe: ımruj bovə, yolə mədəniyət, cəhdon miğdori ziyod karde iyən 40 sor təcrubəon sayədə bəbe ki de mığovimət və fikfaməti mışkulonədə dəvardey.