Aprilə manqi 30, Fars Dıyo milliyə ruj.
Imruj Aprilə manqi 30-nə ruje; təğribən 400 sor çımiku bə nav bənə jıqonə ruji İroni cənubi ovonku Portuğaliya hərbion ixroc bıən.
Bə həminə mınosibi xoto ım səbarzəti sorqordış İroni təğvimədə Fars Dıyo milliyə ruj ğeyd bıə.
Fars dıyo bənə qıləy muhimmə dıyo, hejo vey siyasi və hərbi aliyə vırəş be ijən bənə dınyo vey muhimmə dıyo nəğliyəro iyən dəhliz zınə bıdə ki bo məxsolon tranzit xususi şərğ və ğərbiyə kişvəron miyono ticarət sahədə anədə məntəğə və beynəl xəlğ sultə tələbon diğğəti bəştə tərəf cəlbış kardə.
Isət çand sor heste ki bəzi çı Fars dıyo ərəbə hamsuyə kişvəron de ğərbi stemariyə ğudrəton təhrik karde ım tarixi dıyo numi təhrif karde fikədən və hol ım ki Fars dıyo num bənə tarixi mıddəti de rozi kanə sabiğə iyən rişəş heste.
Fars dıyo çı dınyo 4 qılə məşhurə dıyoonku qıləy ni heste ki bə Yuanıstani tarixədə bıə sənədon əsos qırd qıləy vahidə okyaniku sərçəşməşone və dınyo həmmə sakinon əvışon de Pars dıyo zınəydən.
Im dıyo bənə dınyo vey muhimmə natiyə dəhlizi de İroni mədəniyyət və tarix vey zumandə anqlış heste və əcumlə numonku hisob bıdə ki detosə bə ısət muxtəlife milləton muğavilə və sənədon iyən məktəbonədə ğeyd bıə.
Bə həminə mınosibəti xoto zinə Fars dıyo numo bıə kitob ki Fars dıyo tarixi barədə de 10 qılə zıvoni, beynəl xalğ itiborinə sənədon, məktəbon və fəritəonku iborət heste, Tehronədə çap be.
