Xordad manqi 15 minnə ruj ironi milləti yolə islamiyə inğilabi binovrə.

Imruj 3 şanbə xordad manqi 15 minnə ruj ,hicri şəmsi 1342 nə sor bərobər de milady 1963 nə sori mərhum imom Xomeyni tarixiyə ğiyami sorəqardışe.

Hicri şəmsi 1342 nə sori xordad manqi 15 minnə ruji ğiyam islamiyə inğilabi tarixədə qıləy zumand və barzə vırəş heste və ironi milləti islamiyə inğilabi binovrə be.

55 sor çimi bə nav ironədə islami nabod kardeyu iyən çı məmləkəti sərvəton dızdiyeyu şah rejim və Amerkə hərəkəton bois be ta mərhum imom Xomeyni de bəyonoton iyən muhimmə sıxanon çəvon fitnəqərə planon oşko bıkə.

ım tarixiyə ğiyam pəhləvi rejimi zılmkarə  hərəkəton vədə bə islamiyə ğiyami dim bə dim be bois be və islamiyə inğilabi fikri,siyasi və ictimaiyətiyə əsoson təşkil beyu çokə şərayetış icod karde.

mərhum imom Xomeyni ğiyam 1963 nə sori təşkil və 1979 nə sori ironi islamiyə  inğilab bə səbarzəti rəsə.yəğin ki xordad manqi 15 minnə ruji ğiyam ım islamiyə hərəkati səbarzətiədə oşko və ruşinə rolış ifa kardə.