İroni Yolə Rəhbər: məntəğədə Amerkə məğlub be.

İroni Yolə Rəhbər Amerkə prezidenti etirafon Asiya ğərbədə be nəticə 7 tirilyun dollar puli xərc karde ım məntəğədə Amerkə məğlubiyəti məno zınəş be.

İroni Yolə Rəhbər Həzrəte Ayətullah Xamenei imruj Tehronədə rujə idi nımoji xotbəonədə ım yolə idi bə İroni və islamiyə milləton təbrik votışone və bə Amerkə prezidenti etırof işorə karde təkid kardən: ım etırof nışo doyə ki yolə şeyton deştə həmmə səy-cəhdon karde zınəş nıbe bəştə hədəfon bərəsi və çımiku bəpeştə həm har Çəxtə məntəğədə pul xərc beko ijən məğlub bəbe və bəştə hədəf ni bərəse.

Həzrəte Ayətullah Xamenei  bə İroni milləti zid şeytoniyə ğudrəton dəvominə bevəcə planon İroni milləti əğidə, tojə vardəti, istiğlal, iğtidor və mığovimətiku çəvon niqəranətion nışo zınəş be və təkid kardən: əlbətə əvon cəhd kardedən əmmo hejo məğlub bəben.

İroni Yolə Rəhbər təkid kardeşone ki İroni millət bəbe huşin və oğo bıbon və planon iyən bevəcə niyəton bezənon əlovə kardən: ımruj deşmənon əsliyə plan bə millət fişar varde və əvoni çı məmlekəti iğtisod vəziyətiku nomid karde bey.

İroni Yolə lider bə co kişvəronədə Ğuds beynəl xalğ ruji əzəmətinə şimon işorə kardən və votışone: co kişvəronədə Ğuds beynəl xalğ ruji aksiya jıqo hərorətin dəvoniyəku hədəf və mesaj ıme ki deşmənon həmmə təbliğon əks dınyo mısılmonon çımiku  vey bə İron nezə və de İron həmcəhət bıən.

İroni Yolə Rəhbər rujə idi podoş və mıkofati ruj və mobarəkə ruj manqi momenon miyono bə Xıdo nezə bey və bəy itoət kardero misobiğə meydon zınəşon bıən və hamiyədən: de Xıdo koməki, İroni millət har sor ım mənəviyə meydonədə dəvardə sori mığovimətiyədə vey imtiyozon kəsb kardəşe.