İroni xarici koon vəzorətxonə sıxanəvot:atom sazış ısət həm bərpoye.

İroni xarici koon vəzorətxonə sıxanəvoti votışe:hər çənd Amerkə atom sazışiku xaric bə ım beynəlxalğə sazış eyne holədə bərpoye və həmkarətion çı curə dəvoneyu muzakiron dəvomış heste.

İroni xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston təşkil doə iclosədə atom sazışi bevəcə şərayeti həxədə bəzi elan bə nəzəron həxədə votışe:atom sazış ıştə sobotə şərayetdə ğərorış qətə.

Ğasımi əlavəş karde Amerkə president Donald Tramp atom sazışiku xaric beədə beynəlxalğə  sazışi çərçivədə Amerkə devləti doə bə vədəonış bə qi nıqəte və məcbur mande ıştə əhd-peymoni bə lınqi ji bınə.

Ğasımi opeki tojə iclosədə nati istihsali ve kardeyu bə Rusiyə bə ərəbıstonı muzakiron  və de Rusiyə rəsmi şəxson votımonədə  xarici koon vəzorətxonədə bə ixtisadiyə koon muavini roli işarəş karde və votışe:hərçənd Opek və bə nati aid məsəlon bə nati vəzorətxonə anqıle ki həmmişə ım cəhətdə ıştə məsuliyətonış ve çok təşkilış kardə əmmo əqər lozim bıbo xarici koon vəzorətxonə opeki nati istihsali ve karde barədə de Rusiyə muzakirə bəkay.

Ğasımi yəmənı məmləkətdə bıhroni dəvom pəydo karde barədə həm işarəş karde İron İslam Respublika həmmişə ərəbıstoni təcavuzış bə yəmənı zid məhkumış kardə və əlavəş karde Yəmən bə qıləy insoniyə bıhron daxil bə və beynəlxalğə ictimaiyəton və avrupaiyə məmləkəton ım bıhroni vəy qəteyu bəpe təciliyə holətədə qıləy mısbətə ğədəm peqəton.

ironi xarici koon vəzorətxonə sıxanəvoti işarəş karde İron hərəkət kardə de coqlə devləton əlağə təşkil kardeədə yəmənı milləti məzlomə sədo bə dınyo bırosno ta bə ım məmləkəti  millət insondustə koməkon rosnıye şərayet hozzı bıbo.

Ğasımi eyne holədə Amerkə tərəfo ironi 2 milyard dollari vəyqəte xoto ironi bə Hağa şikayəti barədə votışe: ğərore ım şikayəti məhkəmə oktiyabri 8 və 9 nə rujonədə bərpo  bıbo.

ironi xarici koon vəzorətxonə sıxanəvot Amerkə və Avrupa miyonədə ticariyə canq və Avrupa bə İron nez be barədə votışe:məntəğədə bə əhd-peymonon ıştə hədəfi domoədən və məmləkəton həmkarətion bə milliyə faydon əsosi hozzı bedən  və həminə məsələ xoto nibəbe həmmə məsəlon bəiyandı anqıl karde,ısətnə şərayetəndə nibəbe Avrupa və Amerkə əlağon ya Avrupa bə İron nez be məsələ təhlil karde.

Ğasımi Avrupa bə İron doə məsləhəton və ım məsləhətonədə Çin və Rusiyə roli barədə votışe:atom təvafuğiku ğeyre ğanoniyə holətdə Amerkə xaric be bəpeştə atom təvafuği hifz kardeyu Avrupa və Rusiyə iyən çinı miyonədə muzakiron təşkil bin və bəyon bıə məsəlon bəpe Avrupa,Çin və Rusiyə tərəfo ğəbul bıbo.