Zərif: Avropa bəpe sıxən və bəyoniyə əvəzi əməl bıkə.

İroni xarıci vəzir ətomiyə sazışi çərçivədə bə Avropa əloğəon oqəte əhəmiyyəti işorə və bə ım sazışi pobənd mande kənoədə çəvon əməliyə hərəkəton tələbış karde.

Muhəmməd Cəvad Zərif bə Avro Niyoz kanal votışe: Avropa bəpe bəyoniyə və sıxənon kənoədə, banki, sərmoyə noə, enerji, nəğliyat və iğtisodiyə həmkarionro əməliyə hərəkəton fikədə bıbu çəy ki ım İroni tələbe.

İroni xarıci vazir bə Putin və Trumpi tojə vindımon iyən Suriyə barədə çəvon miyono sohbəton işorəş karde və votışe: Suriyə sərneveşt bəpe de Suriyə milləti tələb və piyə mıəyyən bıbu və əvon detos bə ısət vey fişaron iyən radikal və terroristiyə əməliyaton vədə mığovimət kardəşone.

Zərif əlovəş karde: İron, Russiyə və Suriyə miyono əloğə və həmkarion vey həmohənq bıə və 3 tərəf de terrorizm və radikalizm mubarizə barədə əvon hədəfe.

Əv Suriyədə terroristiyə qruponku himoyədorti karde barədə bə Amerkə məxfi və oşkorə səy-cəhdon işorə və təsdiğış karde: Trumpi sıxənon və iddion DAEŞİ məğboliyəti bəpeştə İroni mənafe təmin nı bey barədə ım dıvləti ğeyri ğanuniyə hərəkət xususi və Daeşi peştədə mande və bə əvon kəmək karde həğiğəti əvəz ni bəkay.