Ğasımi:coyliyəti bə Amerkə hakim bə heyəti xışm bois bə.
İroni xarici koon vəzorətxonə sıxanəvot bə ım məsələ işarə kardeədə ki Amerkə tojə şərayet bənə qıləy məmləkət ki coyli mandə bə hakim bə heyəti xışmqinəti bois bə və əlavəş karde Amerkə devlət bəpe dərəso çokonə de ironi millət sıxan bıkə çunki ironıjon ehtıromi vədə de ehtırom rəftor bəkan.
İRNA ımruj sıb elanış karde Bəhram Ğasımi ğeyre ğanoniyə holətədə atom sazışiku bə Amerkə hakim bə heyəti xaric be stratejikə səhvi işarəş karde və votışe: Vaşinqtonı rəsmi şəxson təsəvur kardə bin ,atom təvafuğiku xaric beədə ironi tərəfo qıləy həyəcaninə reaksiyaədə bəznen bə tehroni zid İ bə milləton təşkilati əmniyət şuraədə hərəkət karde ki ım senari,ironi huşinə tədbironədə de məğlubiyət dim bə dim be.
ironi xarici koon vəzorətxonə sıxanəvoti votışe:bə tehroni zid sıpiyə bina təhdidon qıləy baxş ironıjon mədəniyətiku Amerkə devləti aqah nıbeku iborəte ,ironıjon həmmişə təhdidon vədə muğavimətışon kardə və təhdidışon de təhdid cəvob doə.
Ğasımi bə ironi milləti zid trampı təhdidon təhlil kardeədə votışe: ımrujnə dınyoədə jıqo sıxanon izofə qəp jeye və diğğət doənin ni.
Ğasımi ıştə qəpon dəvomədə votışe:Amerkə jıqo zındəy karde bəzne İron İslam Respublika de ixtisadiyə təziğon dim bə dim karde və çı təziğon iyən sanqsiyaonku ironi milləti iradəndə fasilə iyən sısti icod karde qıləy holədə ki ironıjon dəvardə rujon nışon dodə ki jıqo fik botile.
əv ıştə sıxanon dəvomədə votışe: əviki Vaşinqton ironi nati ixracati vəy qəteyu bəyon kardə qıləy təyliyə qəpe və nakonə təhlilon həm nışonış doə ki Amerkə hətta de əmniyət şura təğnaməon həm ım koədə muvəfəğ bə ni.
Tramp zinə İron İslam Respublika president Həsən Ruhani sıxanon vədə reaksiyaş nışon do.prezident Ruhani votəş be Amerkə bəpe de şiri dum hənək nıkə.
Tramp ıştə şəxsiyə Tuviter səhifədə iddaş kardə əqər tojədən Amerkə təhdid bıkən İron bə nəticon şohid bəbe ki tarixədə çimi bə nav kam muşahidə bə.
Prezident Ruhani 1 şanbə ruji amerkəvıjon jə sıxanon vədə ki votəşon be bə ironi nati ixracat icazə nibədon qıləy ciddiyə sıxanədə votışe: Amerkə president bızno ki tarixi dıroziədə İron məntəğədə ovə roon əmniyəti qarant əkə bə əvon de şirı dom hənək nıkə, çunki ironi cəvob pəşimonəkə bəbe.
