Ğasımi: de maliyə məxsusə sistemi icra karde vositə Avropa bəpe Amerkəku mıstəğil əməl karde subot bıkə.
İroni xarıci vəzir sıxənəvot votışe: Avropa de SPV məxsusə maliyə sistemi icra karde Amerkə fişaronku ozod bey iyən çəyku mıstəğil əməl karde bəpe nışo bıdə.
Bəhram Ğasımi zinə de İrib mısohibə cərəyonədə bə İron iyən Avropa miyono maliyə məxsusə sistemi fəaliyəti bino bey zəmon bə təxir ığande işorəş karde və votışe: jıqo maliyə sistemi icod karde çı Avropa tərəfo ədaştə bıə ta iğtisod sahədə ətomiyə sazışiku bə dast ome nəticəon əv həm ım muğaviləku Amerkə xarıc bey bəpeştə ijən dəvom peydo bıkə.
Tojədən xəbə ome İroni xarıci vəziri siyasi muavin Seyed Əbbas İrağçi həm siyasi məslehəton xoto bə Avropa səfərış karde.
Im səfəri mehvər 2 tərəfiyə əloğəon, məntəğə iyən beynəl xalğ məsələon barədə muzakirə elan bıə.
İroni xarıci vəziri siyasi muavin Viyanadə de ətom enerji beynəl xalğ təşkilati yol həm İroni ətomiyə muğavilə barədə sohbət bəkarde.
