Əmir Əbdullahiyan: Əmə çı Omani qırd tərəfon bə AMFP ehdəmonon oqardemoniro təşəbbıson ğəbul kardəmone.
İron İslom Respublikə Xarici Koon vəziri deştə ommanıjə həmko bıə vindemoni əloğədor votəşe: Məsğət qırd tərəfon bə AMFP ehdəmonon oqardemoniro fikon çok kardeyro səy kardedə.
Omani Xarici Koon vəziri Bədr bin Həməd Əlbusaidi bə Tehron bıə səfə çərçivədə de İroni Xarici Koon vəziri Huseyn Əmir Əbdullahiyani vindemon və votemonış kardə.
İron və Omani miyono oxonə çandə qılə da soron dırozi əloğəon,bə Farsi xəlicədə noəmnəti və Amerkə İronofobiyə siyosəton zumandəti cəhdon rəğmən,həmişə dıtərəfinə hurmət və intereson piyo onə bıə.
Omani rəsmiyon hesob kardedən ki,de İroni qeşə munasibəton bə realizmi əsose və əvon İroni dıjdə hamsuyə hisob kardedə.dıqlə məmləkəti miyono de iyande hiç qıləy ərazi və sərhədə mubahisəşon ni.İroni bə Omani dastək bə Omani torixi zehni mısbət və dayimi həkk bıə.
Bbə İRNA məlumati əsos,İroni Xarici Koon vəzir Huseyn Əmir Əbdulahiyan çı Omani xarici koon vəziri bəTehron bıə səfə və dıtərəfinə vindemonədə rost kardə bıə məsələon əloğədor votəşe ki,dıtərəfinə vindemoni zəmonədə bə dast omə rozıyəti və sənədon təğib kardedəmon.dıqlə məmləkəti yolon miyono oxonə i sorədə bıə vindemonon barzə səviyyədə bıə.
Xarici koon vəziri peşo bə bəzi regional və beynəlxalğə məsələon əloğədor məsələon və bə İroni de Oman xarici koon vəziron muzakirə və fiki mubadilə işorəş kardə və votəşe:Omani tərəf və çın məmləkəti xarici koon vəzir ım məsələ təğib kardedə ki,bə dıqlə məmləkəti miyono regional dialoqi zumandəti komək kardedə.
Əmir Əbdullahiyan həmçinin votəşe: Əmə Farsi xəlici məmləkəton (6 qılə cənubə hamsuyə və 2 qılə şimol hamsuyə İrağ və İron) dialoq və regional həmkoəti forumi icod kardey təklif kardemone və yəğin ki,bə ın prosesi Yəməni kişfəri həm əlovə kardey bəbe.
Əmə deştə Omanıjə həmko vindemonədə çın forumi mexanizm və çokonə ko kardey muzakirəmon karde.
İroni xarici koon vəziri bəyonış karde:Oman qırd tərəfon bə AMFP ehdəmonon oqardemoniro fikon çok kardeyro səy kardedə və bın cəhəto Omani tərəfiku kali təşəbbısonbə rujnomə vardey və çımon həxədə fiki mıbodilə və muzakirə kardey be.
