Ğasımi: bəşər həxi məsələn himoyə əkəyon Yəmənədə Səudi Ərəbıstoni cinoyətonədə şərikonin.
İroni xarıci vəzarətxonə sıxənəvot votışe: əvoni ki yəmənədə hırdənon və jenon ğətliami barədə sukut kardən iyən bə təcavuzkaron siloh doəşone ım cinoyətədə şərikonin.
Bə İrna raporti əsos Bəhram Ğasımi bə Yəməni Həccə ostan, Təlan məntəğədə Ərəbistoni tojə cinoyət 20 nəfəriku vey Yəməni hırdənon iyən jenon ğətliami işorəş karde və votışe: İron ım cinoyəti məhkum və çəy vədə bəşər həxonku himoyəkə təşkilaton sukuti tənğid kardedə.
Ğasımi əlovəş karde: çand sor şiddətinə muhasir tov varde bəpeştə ijən Yəməni hırdənon və jenon de vəhşiyə cinoyəton əv həm ğərbi kişvəron həvotə bıə silohon vasitə ğətliam bıdən ım cinoyət Yəməni milləti məzlomiyət və çı ğərbi insonə həxon fəğət ideoəkə kişvəron be abruçiti şonəy.
Tojədən Ərəbistoni hərbi təyyarəon bə Həccə ostani Təlan məntəğədə kəon həmlə karde çandə Yəməni şəhrvandon ğətliam kardəşone ki kıştə bıə kəson dılədə 20 nəfər hırdən iyən jen moşahidə bıdə.
Ərəbiston Miladi 2015ku de çand qılə Ərəbə kişvəronku iborət bıə koalisoya bə Yəmən həmləon binoş kardə.
