Ruhani:ironi həğaniyət və Amerkə zuə qəpon dınyo odəmonru oşkoye.

İron İslam Respublika prezdent zinə işarəş karde İ bə milləton təşkilati umumiyə asambleyaədə ironi siyasət oşkoə holətdə bəyon be və əlavəş kardeamerkəvıjon çı iclosiku heç qılə nəticəşon bə dast nıvarde.

Həsən Ruhani ki İ bə milləton təşkilati umumiyə asambleyaədə iştirak kardeyu bə Niyuyurk səfərış kardə be ,bə Tehron daxil beədə jurnaliston cəmədə votışe:İron İslam Respublika və ironi milləti həğaniyət iyən Amerkə zuə qəpon İ bə milləton təşkilati umumiyə asambleyaədə oşko be.

İron İslam Respublika prezdent bə Amerkə prezdent Donald trampı sıxanon İ bə milləton təşkilati umumiyə asambleyaədə işarəş karde və votışe:ım sıxanon fəğət bə dınyo rəhbəron sıre bois be.

prezdent Ruhani eyne holədə İ bə milləton təşkilati umumiyə asambleyaədə bə atom sazışi mıştərəkə kamisiya iclosi bərpo be işarəş karde və votışe:ım iclosədə ironiku bə atom sazış əməl karde xoto təşəkkur be.

İron İslam Respublika prezdent əlavəş karde 4+1 qrup yəni Almaniya ,Fransə,Britaniya,Çin və Rusiyə ım iclosədə ve zumand atom sazışiku himoyəşon karde və elanışon ka de İron əlağə bərğəror kardeyu qıləy xususiyə bankiyə rabitə icodışon kardə.

prezdent Ruhani votışe:de dınyo mıxtəlif məmləkəton rəhbəron təşkil doə votımonədə həm 2 tərəfə,məntəğə və məxsusən atom sazış və 2 tərəfə ticariyə əlağon barədə votımonış dəvoniyə və əlavəş karde məmləkəton yolon ım vindımonədə işarəşon kardə bə Amerkə sanqsiyaon əhəmiyət nibədon.

Amerkə prezdent Donald Tramp mayə manqi 8 nə ruji atom sazışiku vaşinqtonı xaric be və atom saqsiyaon oqırdıneş elan karde ,hərəkəti ki daxili və beynəlxalğə səviyədə de yolə məhkomiyəton dim bə dim be.