Fəlahətpişə:Pompeo bə İroni zid sıxanon pisixiyə canqe.

İroni İslamiyə şura məclisi milli əmniyət və xariciyə siyasəton kamisiya rəis,Amerkə xariciyə koon vəziri bə İroni zid sıxanonış pisixiyə canq və bə İslami Respublika zid Amerkə rəsmi şəxson siyasəton məğlubbeku fikon bə səhvə ro eğandeyu zınəşe.

Heşmətullah Fəlahətpişə de telerədyo aqentəti votımonədə votışe:Amerkə xarici koon vəzir Mayk Pompeo mudaxilə bıkə sıxanon həxədə İroni milləti barədə ki qoya sanksiyaon venə İroni rejimi əvəz kardeyu və bə İronıjon curi oroməti doeyuy,reaksiyaş nışon do və votışe: Amerkə tojə siyasəton  məğlub be İroni vədə bois bə amerkəvıjə rəsmi şəxson ım kərə ıştə xarici koon vəziri zıvon ım məğlubiyətion İroni rejimi əvəz kardeyu,təziğon və sanksiyaon macira məsdəmon.

Fəlahətpişə əlavəş karde Amerkə prezdenti siyasət İroni vədə curi ocizətiy və Donald Tramp çandəkərə ıştə ım ociz mandeş İroni vədə bəyonış kardə və çandəkərə de İroni rəsmi şəxson muzakirəş tələb kardə.