De Avropa tələbəon islamiyə ittifoği iclosi mınosibəti inğilabi yolə rəhbəri mesaj.
İslami inğilabi yolə rəhbəri votışe:dınyo har vırədə ironıjə tələbəon bə inkişaf hərəkati əlavə be və bə əcnəbion İron İslam Respublika be niyoz kardeş Xıdavəndə xalıği roədə cihadış zınə.
İslami inğilabi yolə rəhbər Həzrət Ayətullah Xamenei Avropa tələbəon islamiyə itifaği 53 minnə iclosiyu vığandə mesajədə ki Huccətul islam Cəvad Ejeyi tərəfo Hambork islamiyə mərkəzədə handə be votışe:tələbəon bə vəy omə rujonədə İron İslam Respublika omidon bəpeə vırədə hestin.
Həzrət Ayətullah Xamenei əlavəş karde əviki həmmə bəpe bıznon ıme ki de Xıdavəndə xalıği koməkəti hal hazırədə zinə rujon tələbəonku veyə cəmiyyət İron İslam Respublikaədə bə yolə koon məşğulin və ıştə vətənədə bə elm texnoloqiya inkişafi,xıdmət karde ləzzəti dıştə həmmə vucudi his kardən.
İslamiyə inğilabi yolə rəhbəri votışe: tələbəon dınyo har vırədə ım fırsətışon heste ki bə dindar və xıdmətəkə məcmuə əlavə bıbon və kamilən İron İslam Respublikani əcnəbionku be niyoz bıkən və ım hərəkət bəvədə ki de sədoğətinə niyyət və Xıdo roədə əncom bıbo,Xıdavəndə xalıği roədə cihade.
avropaədə tələbəon islamiyə itifaği 53 nə iclos şanbə ruji Almaniya Hamborq islamiyə mərkəzədə bərpo be.
