İron və dınyo miyono əloğəonədə Amerkə sanksiyaon təsirış ni.

İroni prezident votışe: anti İron sanksiyaon karde nibəzne İron iyən dınyo miyono əloğəonədə təsirış bıbu.

Həsən Rohani zinə çandə kişvəronku tojə səfiron ğəbul karde mərasimədə təkidış karde: ımruj dınyoədə bıə beynəl xalğ ğanunon Amerkə tərəfo anti İron sanksiyaon məhkum kardedə iyən hokmən İron ısətnə şərayetiku həm muvəffəğiyətdə bə varde.

Əv bə Avropa tərəfo tojə elan bıə maliyə sistemədə təxiron işorəş karde iyən votışe: Avropa bəpe jıqonə hərəkəton ki çəy və Amerkə miyono istiğloli əlomətdore çımiku vey ciddi əncom bıdə.

Ruhani dəvardə dıvran yəni islam inğilabi bənav İronış çı Amerkə hərbi baza hisobış karde və əlovəş ka: İroni millət islaminğilabi vasitə bə ğərol omin ta yolə kişvəron ixtiyorədə bənə əbzar nıbon ta çəvon mənafe təmin bıkon.

İroni prezident ijən çı Vensuela tojə səfiri ğəbul karde vindemonədə həm votışe: Vensuela millət de vəhdət iyəm muğavimət Amerkə tojə plani məğlub bəkan.

Ruhani təkidış ka: Amerkə hiç faxt milləton inğilab iyən mıstəğil kişvəronış pidə ni.

Həmonə vindemonədə İroni prezident bə kişvəron miyono mıştərəkə noğtəon bo həmkarion hevoj kardero təkidış ka.

Xroatiya, Ğəzaxıston, Tones, Mali, Siralon, Pakiston, Tırkiyə iyən Venesuela tojə səfiron zinə de İroni prezident Həsən Ruhani vindemon karde ıştə koşon İronədə rəsmən bino kardəşone.