İnğilabi yolə rəhbər islami inğilabi pasdaronku qıləy cəmi şəhodəti xoto səbəsəlomətiş do.

İslami inğilkabi yolə rəhbər Sistan və Bəloçestan ostanədə terroristiyə hadisə nəticədə islami inğilabi sepahe pasdaran kadronku qıləy cəmi şəhodəti xoto səbəsəlomətiş do.

Bə islami inğilabi yolə rəhbəri dəftərxonə məlumatərosnə mərkəzi elanon əsosi Həzrət Ayətullah Xamenei zinə ım mesajədə əlavəş karde de cinayətkarə muzdoron dasi ijən məmləkəti salih və xıdmətəkə cıvonon xun bə zəmin ekarde be və insoniyə sərmayəonku qıləy cəm ki ıştənışon sərhədon iyən milləti əmniyətiku mudafiyə kardeyu vəğfışon kardə be , siyo dim iyən dılışon sığiku bıə terroriston hucumədə bə şəhodət rəsin.

islami inğilabi yolə rəhbəri əlavəş karde ım cinayəti təşkilkardəkəson əlağə  məntəğə bəzi məmləkəton və məntəğəku kənoə məmləkəton cəsusiyə mərkəzonədə oşkoye və məmləkəti məsul təşkilaton bəpe bəy diğğət ıdən və ciddiyə holətədə çəy domo bıqəton.

Həzrət Ayətullah Xamenei eyne holədə ım terroristiyə hadisədə bə şəhidon ailə iyən mandəkəson və islami inğilabi sepahe pasdaranı yolə ailə səbəsəloməti və təbrikış vote iyən  Xıdavəndə xalığiku bəvonru səbr və ilahiyə hədiyəonış tələb karde və  şəhidonru əlaə dərəcəon və yarəjəonru şifo tələbış karde.

4 şanbə şəvi İroni cənub şərğ Sistan və Bəloçestan ostani Xaş-Zahedan roədə bə İron islam respublika sərhədiyə ğıvvon aftobosi terroristiyə hucum bedə ki nəticədə 27 nəfər ironi sərhədon mudafiyəkardəkəsonku şəhid və 13 nəfər həm yarəjə bedən.

ceyşulzılm nomo bıə qədə terroristiyə qrup ki məntəğə bəzi məmləkəton mincumlə Səudiyə Ərəbıston bəvonku himoyə kardən qıləy bəyonotədə ım cinayəti məsuliyət bəştə qi qətdəy.