Trampı sıxanon Colanı işğal bə məntəğə həxədə İroni məclisi rəisi tərəfo məhkum be.
İroni İslamiyə şura məclisi rəis,Amerkə prezdenti problem icod əkə sıxanonış sionist rejimi bə Suriyə,Colanı işğaliyə məntəğə hakimiyəti barədə,məhkumış karde.
Bə İRNA xəbon əsosi Əli Laricani Donald Trampı ım sıxanonış işğal bə Colanı məntəğə barədə insoniyə əsos,beynəlxalğə həx iyən beynəlxalğə ğətnaməonku bə kənoş zınə.
İroni islamiyə şura məclisi rəis,Trampı de ictimaiyətdə bıə fikon və dınyo məmləkəton mubarizə barde və dəvon problem icod kardeş sulh və oroməti məxsusən ğərb asiyaru ciddiyə xətoş zınə və beynəlxalğə ictimaiyəton və məclison miyonədə bıə itifağonku tələbış ka de ciddiyə tədbiron məntəğədə bə coqlə facion icod be mane bıbon.
Laricani votışe: məntiğiku bə kəno Sıpiyə kə hərəkəton,sionist rejim və erğçiyətiku himoyə karde terroristiyə hucumon boroz karde mincumlə Tojə Zelandiya məmləkəti məçitdə terroristiyə hucumon dəlile.
Amerkə prezdent 5 şanbə ruji ıştə tuviter səhifədə qıləy probleminə mətləbədə elanış kardə be 52 sor dəvarde bəpeştə çəy vaxt rəsə ki Amerkə kamilə sorətədə israili hakimiyəti Suriyə Colanı işğaliyə barzə vıronədə bə rəsmiyət bızno.
