De dınyo şiəyon 4 minnə imomi viladəti sorəqardışi mınosibəti təbrik

Imruj 5 şanbə hicri ğəməri 1440 nə sori şəbanə manqi 5 bərobər de milady 2019 minnə sori apreli 11 dınyo şiəyon 4 minnə imom həzrət imom Səccad(ə) viladəti sorəqardışe.

İmom Zeynulabedin(ə) hicri ğəməri 38 nə sori şəbanə manqi 5 nə ruji Mədinə şəhrədə bə dınyo omə.

İmom Səccad(ə) əzizə dədə.dınyo şiəyon 3 minnə imom Həzrət imom Huseyn(ə) be.

İmom Səccad(ə) insoni və əxlaği iyən fəzilətinə xosiyətonədə bəpeə səthədə be.

Ə həzrət ıştə zəmanədə həmməysə pərhizqar ,səbr əkə iyən islamiyə əxlağış bıə şəxsiyət be və çokə zıvon və kərimanə əxlağış hest bış

Həzrət de odəmon ve mehrban be və bə fəğıron iyən ehtiyocbəkəson baxşedə be.

De imom Səccad(ə) ladəti mınosibəti islamiyə ironi həmmə vıron zinə şanqo və ımruj bə şoə mərasimon bərpo be şohid be.

Əhle beyt(ə) məddahon molodnomə hande mincumlə Seyyedulsacedin İmom Zeynulabedin(ə) viladəti sorəqardışə mərasimi bərnamonku islamiyə ironi həmmə vıronədə be.

Məşhəd və Ğomı mığəddəsə şəhronədə əhle beyt(ə) aşığon huzurədə novraniyə mərasimon bərpo bin.

  İron İslam Respublika telerədyo de həzrət imom Səccad(ə) səadətinə milad sorəqardışi mınosibəti bə həmmə mıslmonon və dınyoədə ozodəti tələbkardəkəson təbrik votedə.