seonistə işğalçiyon bə işğal bıə Ğərbi Sahili və Ğudsi həmlə kardəşone

Pars Tudey –Fələstin bumiyə mənbəon oxonə çandə saati ərzədə çı seonist rejimi əskəron və məskun bıə şəxson bə işğal bıə Ğərbi Sahili və Ğudsi mıxtəlifə əraziyon həmlə intensiv beyış bəyon kardə.

Pars Tudey bə İslomi İnğılobi Mıhofizə Korpusi(İİMK) istinodən doə məlumoti əsos,seonistə məskun bıə şəxson çe Xevroni cənubədə vağe bıə Musafir Yatta məntəğədə "Umm əl-Xeyr" diyədə bə fələstınıjon kəon və jimoni vıron hucum kardəşone.Eyni zəmonədə,i qrup məskun bıə şəxson Beytləhmi cənub-şərğədə "Əl-Minya" diyədə çı fələstınıjon kəon miyono təxribotçi və vironəkə hərəkətonışon kardə. Xevroni cənubədə seonist rejimi ləşkər həmçinin Dura şəhri ğərbədə bıə Tarusa bandı-ku osmoni səmt otəşışon ğandə.