De Həzrəte Əli Əkbər(ə)-i moəku bıə ruji sorəqardışi mınosibəti təbrik.

Imruj Hicri Ğəməri Şəban bərəkətinə manqi 11, Miladi 2019-nə sori Apreli 17 və şiəyon 3-nə İmom Həzrəte İmom Huseyn(ə)-i qiramiyə zoə Həzrəte Əli Əkbər(ə)-i milad ruji sorəqardışe.

Həzrəte Əli Əkbər(ə) Hici Ğəməri 33-nə sor Mədinədə moəku bıə, Həzrəti qiramiyə inə xanım Leyla binte əbi Mərrə numış be.

Şiəyon 3-nə İmom Həzrəte İmom Huseyn(ə) ıştə əzizə zoəş ofəyəti, əxloği iyən pisixi, sıxan karde və iştimaei rəftoron cəhəto vey bə Xıdo Rəsul(s) mandə şəxs elanış kardə.

Həzrəte Əli Əkbər(ə) Ğəməri 61-nə sori Məhərrəmə manqi 10 yəni Aşura əzəmətinə hadisədə deştə qiromiyə dədə iyən Həzrəti bəfodorə yaron bə ico bə şəhodət rəsə iyən kərbəloədə dəfn bıə.

İroni təğvimədə Şəban bərəkətinə manqi 11 Həzrəte Əli Əkbər(ə)-i milad ruji sorqardış çı cıvonon ruj qeyd bıə.

İroni Tolışi Rədio tərəfo ımrujnə ruji, Hicri Ğəməri Şəbanə manqi 11 Həzrəte Əli Əkbər(ə)-i milad ruji sorəqardışi bə həmməy mısılmonon xuxusi dınyo şiəyon iyən şımə cıvonə Tolışon təbrik ərz kardedəmon.