Pars Today

İslami inğilabi yolə rəhbəri votışe:dəvardə 40 sorədə İroni milləti yoliyəti və foğəladə inkişafon bə Kərimə Ğıron əməl karde iyən muğaviməti nəticədə bə dast omə və ımruj həm bə şəyton və kofiron ğələbə karde yeqanə ro muğaviməte.

İslami inğilabi yolə rəhbər Həzrət Ayətullah Xamenei zinə mubarəkə rujə manqi dəme mınosibəti mərhum İmom Xomeyni huseyniyədə,kərimə ğıroni ons məclisədə ki ğarion.munacat handəkəson iyən mədahi kardəkəson huzurədə bərpo be votışe:ımrujnə  insonon və islamiyə ictimaiyəti əsosə ehtiyaconku Kərimə Ğıroni  məarefi dərəse və bəy əməl kardeye və bə Kərimə Ğıroni oşkoə bəyoni əsosi istikbar və kufr iyən tağoti vədə mande və dəvon mubarizə barde həxədə işarəş karde.

İslami İnğilabi yolə rəhbər de Kərimə ğıroni məarif oşno  nıbe və bəy əməl nıkardeş islam dınyo ımrujnə problemış zınə və əlavəş karde əvoni ki prezdentəti və ya podşoəti məğamiku bə milləton sə vərrə jedən,həmon kəsoni hestin ki Kərimə Ğıron oşkoə holətədə dəvon mubarizə barde əmrış doə və votışe:bəvon bovən nıbo.

Yolə rəhbəri dəvardə can sorədə bəzi məmləkətonədə bə islamiyə oğoə hərəkəton iyən milləti ğiyamon işarə kardeədə votışe:ım hərəkət, və ğiyam çəy ğədri nızne iyən bə Amerkə və sionist rejimi bovə pəydo karde xoto omarde əmmo İroni millət de mərhum imom Xomeyni bərəkəti ki pur be Kərimə ğıroni məarefiku ıştə hərəkət və inğilabiyə ğədrışon zınə və əvvəlnə rujonku bə istikbariyə ğıvvon bovəşon pəydo nıkarde və çəvon vədə mandin.

İslami İnğilabi yolə rəhbəri ıştə sıxanon coqlə baxşədə Kərimə ğıronış qıləy nımonə honəriyə əsərış zınə və votışe6ictimaiyəti ons de Kərimə Ğıron bois bəbe  maddiyə dınyo və axırəti dınyoədə bıə məsəlonədə ictimaiyət zumand bıbo.