Zərif: İron və Tırkmənistoni miyono əloğəon hevuj bəbe.

İroni xarıci vəzir de Tırkməniston əloğəon bə inkişof rosniyeku xəbəş do iyən bə 2 qılə kişvəri miyono həmkarion zərfiyət təkidış karde.

Muhəmməd Cəvad Zərif ımruj de Tırkmənistoni xarıci vəzir Rəşid Merdov vindemon karde votışe: həmmə hamsoyəonku vey İron və Tırkmənistoni miyono mıştərək mədəniyə noğtəon mıvcode.

Rəşid Mırdov həm ım vindemonədə İroni xarıci vəziri ım səfəri vey muhimm hisobış karde və votışe: de İron əloğəon hevuj beyro siyasi iradəon vey ciddi icod bıə.

Imruj beynəl xalğ icmaon çərçivədə əloğəon, Əfğanıstoni barədə, iğtisadi mıştərəkə planon iyən kamissiyaon, prezidenton səfər, nəğliyot və tranzit, enerji, Kaspi Dıyo iyən məhboson barədə həm muzakirə be.

Eşğ Abadədə İroni xarıci vəzir de Tırkmənistoni prezident vindemon və muzakirəş karde.

Bə İrib raporti əsos ım vindemonədə Muhəmməd Cəvad Zərif iyən Ğorbanğoli Bordi Muhəmmədev muxtəlif 2 tərəfi əloğəon iyən məntəğə və beynəl xalğ muhimmə mıvzoon barədə sohbət kardəşone.

Zərif zinə de ali siyasi iyən iğtisodi heyəti bə i co bə Tırkməniston varid be.