Ruhani:İronıjon heç vaxti deşmenon zuə sıxanon vədə təslim əbı nin.

İron İslam Respublika prezdent zinə şanqo votışe:ironıjon deşmeni zuə hərəkəton vədə heç vaxti təslim əbı nin və əlavəş karde İroni millət muzakirə və məntiğı əhlin əmmo ə tərəfi idda ki votdə İroni bə muzakirə dəbəkırnemon səhvə idday.

Bə prezdenti məlumat ərosnə mərkəzi elani əsosi Həsən Ruhani İroni mədəniyət və hınə səviyədə fəalə şəxsiyəton qıləy cəmi vindımonədə votışe:İronıjon hozzı nin jıqo muzakirə,hətta əqər  aləmi həmmə ğıvvon peşt bə peşt bımandon. əncom bıdən.

İron İslam Respublika prezdenti votışe:ımruj ğəyrəz 3-4 qılə məmləkət iyən sionist rejim,dınyoədə heç kəs Amerkə qəpi təsdiğ kardə ni və votışe: İroni millət de ğətiyəti deşmeni məğlub bəkay.

İron İslam Respublika prezdent çimi bə nav həm votəş be ki İroni millət mutəcaviz və zuəvoton vədə heç vaxti ıştə səşon bəje qətə ni və nibəqəten və ıştə qəpon dəvomədə əlavəş karde İronıjon  iradəon mubarizədə Amerkə məğlub bəkan.

Amerkə prezdent Donald Tramp 4 şanbə şəvi iddaş karde İron İslam Respublika bı nezi de Amerkə votımon bəkay.

Amerkə prezdent doyainə qəponədə dırozə təcrubəş heste,çimi bə nav həm çandəkərə iddaş kardə be qıləy zəman bərəse ki İron İslam Respublika rəsmi şəxson qıləy tojə sazışiyo dəy əlağə bəqəten.

Trampı ım royainə fikon qıləy holədəy ki islamiyə inğilabi yolə rəhbəri dəvardə şanbə ruji de nizomi məsul şəxson vindımonədə votışe: de Amerkə muzakirə karde bərnamədə ni.