Tehronədə bıə Rusiyə səfarətxonədə bo İroni iğtisadi fəalon çı Rusiyə viza sadir karde hoston bəbe.
Tehronədə Rusiyə səfir votışe: 2 qılə kişvəri iğtisodi fəalon miyono ticari əloğəon hoston bey xoto Tehronədə Rusiyə səfarətxonə bə İronıjə taciron viza doe xoto kamilən hozzoe.
Tehronədə Rusiyə səfir Jaqariyan Levan Semonoviç Tehronədə Rusiyə, Şimali Ğəfğaz və İroni miyono ticari mədəni əloğəon inkişofi 2-nə iclosədə əlovəş karde: bə İronıjə taciron viza doe Tehron-Moskva miyono həmkarion hevujəti bois bəbe.
Ğeyd kəmon ki iclos zinə rujiku İsfəhanədə de İron və Rusiyə və ticari şirkətonku nımoyəndəon huzuri bino bıə.
İron və Rusiyə əmniyyəti həmkarionku həm xəbə ome ki de Rusiyə milli əmniyyət şura sərkatib Nikolay Patroşovi rəsmi dəvət iyən de dınyo kişvəron əmniyyətiyə rəsmi şəxson nımoyəndəon iştiroki Rusiyə Ufa şəhrədə beynəl xalğ 10 minə iclosədə iştirok karde xoto Əli Şəmxani bə Rusiyə səfərış karde.
İroni milli əmniyyət şura sərkatib ım iclosədə sohbət və muxtəlif mıvzoon barədə muzakirə bəkay.
