Təxt Rəvançi:Amerkə bə İroni zid problem təşkil əkə hərəkəton oxo bıdə.
İ bə milləton təşkilatdə İron İslam Respublika daimə nımayəndə votışe: Amerkə çandəkərə İroni həvoiyə hərimış ləğv kardə və əlavəş karde Vaşinqton bəpe bə İroni milləti zid hərbi problem icod əkə hərəkəton,canq və ixtisadiyə terarizmiku dast bıkəşo.
Bə İRNA xəbon əsosi Məcid Təxt Rəvançi zinə əsrə vaxti İ bə milləton təşkilati əmniyyət şura ğeyreələniyə iclosi kənoədə ki İroni həvoiyə hərimədə ım məmləkəti cəsusiyə be pilotə təyyarə bə zəmin eğande xoto.Amerkə tərəfo tələb bə be, elanış ka ım be pilotə təyyarə 4 mayl İroni həvoiyə hərimi daxilədə bə zəmin eğandə bə.
İ bə milləton təşkilatdə İron İslam Respublika daimə nımayəndə votışe: Amerkə təcavuzkarə be pilotə təyyarə bə zəmin eğandeədə İroni hərəkət bə beynəlxalğə ğanonon əsosi bə və əlavəş karde bə İ bə milləton ğanoni 51 minnə maddə əsosi İroni əməl ğanoniyə mıdofiyə bə.
Təxt Rəvançi de Amerkə təziğon ım iclosədə bə İroni iştiraki mane be işarəş karde və votışe: İron bənə qıləy məmləkət ki çəy həvoiyə hərim Amerkaiyə təyyarəon tərəfo ləğv bə həxış hest bı ım iclosədə iştirak bıkə.
