De İmom Cəfəre Sadığ(ə)-i şhəhodəti sorqardışi mınosibəti səbəsəloməti.

İron İslam Respublika millət zinə şəviku çı şiəyon 6 minə İmom və şiyə məktəbi rəisi şəhodəti xoto əzodorin.

İmruj(şambə) 2019-nə sori İyoni 29, Hicri Ğəməri 1440-ə sori Şəvvalə manqi 25 de viloyət və imoməti osmoni 6-nə ostovə, İmom Cəfəre Sadığ(ə) şəhodəti sorqardışi bərobəre.

Zinə Şəv və ımrujədə çı İmom Cəfəre Sadığ(ə) şəhodəti sorqardışi xoto, İroni milləti mığəddəsə vırəonədə deştə iştiroki, dınyo şiəyon 6 minə İmomi şəhodətədə əzodorəti kardedən.

İroni şimol-şərğ, Məşhəd şəhrədə İmom Reza(ə)(şiəyon 8 minə İmom)-i pokə hərəm de İmom Cəfəre Sadığ(ə) şəhodəti sorqardışi həmzəman zaironku pur bıə iyən əvon ıştə irodəti bə Əhli-Beyte İsmət və Təharət(ə) nışo dodən.

İmom Cəfəre Sadığ(ə) ıştə qəncin və bərəkətinə umri mıddətədə de dərs klason bərpo karde və islami məktəbi tərəfdoron həm şiəyon və həm sınnionro ıştəni cəvob doe xoto hozzo əki, de ım metodi ə Həzrət karde zınəş be de məntığ və dəlili çı şiyə məktəbi ğudrəti bə həmmə islami tərəfdoron subut bıkoy.

Im şivə təsir ta bə həddi be ki sınniyə alimon əcumlə Şafeei, Malek və Əbuhənifə həm İmom Cəfəre Sadığ(ə)-i tono elmi kəsb kardeşone.

İron İslam Respublika Tolışi Rədio tərəfo İmom Cəfəre Sadığ(ə)(şiəyon 6 minə İmomi) şəhodəti sorəqardışi bə həmmə mıslmonon, dınyo azadpərvəron və məxsusən şiə məzhəbi tərəfdoron səbəsəloməti ərz kardedəmon.