Sepah qıləy ğaçağ vəşemoni kırnə xarıci tankeri mısodirış karde.
İroni sepah təşkilati dıyo hərbi ğıvvon 1 milyon litr ğaçağə vəşimoni kırnə xarıci tankeri Fars dıyo Lark cəzirə cənubədə mısodirış karde.
Bə Əlaləm raporti əsos Sepah təşkilat qıləy bəyaniyədə elanış karde: Fars dıyoədə de ğaçağçion mubarizə çərçivədə İroni sepah dıyo hərbion qıləy ğaçağ vəşimoni xarıci kırnə tankeri zınə bəpeştə de məhkəmə və ğanuni orqanon həmohənqi bəpeştə mısodirış karde; ım keştiədə 1 milyon litr ğaçağ vəşimon peydo bıə.
Im bəyaniyədə təsdiğ bıə ki tankeri zərfiyət 2 milyon litr be ki 12 qılə dıyoon və koəkəş be.
Jıqo elan bıə ki ım ğaçağ vəşimoni kırnə xarıci tanker İroniku bə beynəl xalğə əvonədə yolə nat kırnə tankeron ğaçağə vəşimoni təhvil doe məğsədış be ki sepah təşkilati çəy zəmonədə bıə əməliyoti vasitə məğlob be.
Im bəyaniyədə nat kırnə tankeri mısodirə karde barədə ğərbi-ğərbion iddeo rəd be.
