İmom Xameneyi:“De reqiyoni xalğon səyon Amerkə ın məntəğə tərk bəkarde”

Mellimon de İnğılobi Rəhbəri bıə dido.

İmom Xameneyi:“De reqiyoni xalğon səyon Amerkə ın məntəğə tərk bəkarde”;Mellimon de İnğılobi Rəhbəri bıə dido.

Ayətullah Xameneyi çı İslomi devləti vəzifəş tələbəon elmi,texniki,professiyə və dini tərəğği təşviğ kardeyış zınə.İslomi İnğılobi Rəhbər zinə şanbə maştəvoni de çandə həzo mellim və pedaqoqon bıə vindemonədə çe mellimon loyığinə portreti təsvir kardey və iştimoyi rayədə cazibədor,şo və mahbubə mellimi obrazi ofəyeyış çe məsul təşkiloton bədiyi və medya ko tələb kardə zəruri koş hisob kardə.

Bə Pars Tudey məlumoti əsos,Ayətullah Xameneyi ıştə ehandımoni əvvələdə çın dido məğsədış bənə mellimon ğədri zıney və bə mellimi məğami hurmət kardey zınəşe.Ə həzrət,təhsili sektorədə har qıləy məbləğədə xarc əslədə bo kişfəri ayəndə noə bıə investisiya beyış təkid kardə holədə əlovəşon kardə: “Xoşbaxtətiku,mehtərəmə prezdent bə təhsili məsələon xususi dığğət nışon doydə və hurmətinə vəzir həm de ın onemoni məsələon oşno bıə barzə mudironkuye”.

Ə həzrət,çokə məğsəd və ideyaon bə həyot dəvordıneyış çəvon de ciddiyyəti təğib kardey qirovədəş hisob kardə və peşo çe mellimon həxədə bə çandə qılə nuktəon işorəşon kardə.İnğılobi Rəhbər bə mellimon  ehtırom nışon doey,məyişəti paketiku qətə tosə çəvonku iştimoyi rayədə qıləy təşəbbısin,ğəşənq,əhvol-ruhiyyəyn və populyarə mellimi obrazi ofəyey muhimmə vəzifə hisob kardə holədə əlovəşon kardə:“Bə mellimon hurmət və rəğbət nışon doey nəticə bəpe jıqo bıbo ki,cəmyət mellimon bənə cozibədor,fəol, zəhmətkeş,iftixorin və ləyoğtinə şəxsiyyəton bıvindon və bəpe melliməti məşğələ bə cıvonon xoş omə həmməysə çokə ko zıney bıbu.

Ə həzrəti əlovəş kardə:"Mellim fəğət dərsnomə təlimotçi ni,çəy əxloğ,rəftor,sinifədə bey,tədrisi keyfiyyət, təvozukorəti və ya bənə təkəbbır,sırədiyənəti və ya məyusəti bıə şəxsiyyəti xususiyyəton çı şoqirdon xarakteri bə formə dənoydə və bəvon bəsə çəvon valideynonsə ziyodə təsir kardedə.Əqər mellim bə dərs de ın dərki booy,ıştə nıtğ və rəftoriku xususi surətədə mığət bəbe".

Ayətullah Xameneyi çı İslomi devləti vəzifəş tələbon elmi,texniki,professiyə və dini tərəğği təşviğ kardeyış zınə.

Ə həzrət ıştə nıtği oxonə baxşədə,bə AİŞ prezdenti reqiyoni oxonə səfə zəmonədə votə sıxanon işorə kardə holədə ğeydış kardə:“AİŞ prezdenti bın səfə zəmonədə votə sıxanon bəzi sıxanon,boçəy votə kəsi iyən bo Amerkə xalğiro anədə jinə səviyyədə və xəcolət vardə formədəy ki,əsosən bo cəvob doeyro loyığ ni”.

İslomi İnğılobi Rəhbər çe Trampi çe zuku bo sulhiro istifodə kardey tələbi dayir sıxanon iqlə hissəş du hisob kardə və əlovəşon kardə:əv və Amerkə hukuməton kom vaxti bo sulhiro çe zuku istifodə kardəşone? əvon ıştə zuyku bo Ğəzzə ğətlı-am kardey,mumkin bıə har qıləy vırədə canqi otəşi sı kardey və bəştə muzduron dastək doeyro istifodə kardəşone.

Həzrət Ayətullah Xameneyi bo sulh iyən əmniyyətiro zuyku oko doey mumkin hisob kardə holədə voteşone:"Məhz hejo bəçımi əsos İslomi Respublikə bə dışmenon ğeyz ıştə ğudrəti və ıştə kişfəri ğudrəti har ruj ziyod bəkarde.Əmmo əvon,ıştə zuyku istifodə kardə holədə bə seonist rejimi 10 tonə bombəon doəşone ki,əvon həm əy bəsə Ğəzzə hırdənon,bəçəvrə noxəşxonəon peyo və bəsə Livanədə bıə insonon kəon sape və harco ki,kardey bızınon ru kardəşone."

AİŞ prezdenti çe reqiyoni kişfəron beamerkə 10 ruj həm bəştə həyoton dəvom doey nızıney anqıl navnə sıxanon işorə kardə holədə ğeydışon kardə:“əv,ısətnə mıomiləon və təklifonədə ın modeli bəvon dezzu təhmil kardedə.və holınki ın model şək ni ki,bə iflosi dıço bıə və de reqiyoni milləton səyon Amerkə bəpe ın məntəğə tərk bıko və bəkarde”. İslomi İnğılobi Rəhbər seonist rejimış reqiyonədə çe fıtnə,muharibə və nifoği mənbəş zıne və təkidışon kardə: vəhmin,təhlukəyn və mardə vardə qıləy pandom bıə seonist rejim bəpe bın məntəğə çı rişəku kandey bıbu və kandey həm bəbe.

Həzrət Ayətullah Xameneyi çe İslomi Respublikə de etat-petati bıə bın reqiyonədə hərəkoti əsosi təşkil kardə prinsip və erjış ruşin və konkretə usul iyən prinsiponış zıne və əlovəşon kardə:İron ımruj de dəvardəy mığoyisə bıənin ni və de İlahi lutf və fəzli və bə dışmenon ğeyz və bəçəon tələbon əks,əzizə İroni inkişofış kardə iyən çımi bədiqə həm çəmə cıvonon bəvindeyn ki,deçəvon həmkoəti kişfər çandə kərə ziyodə həddədə çımisə həm veyə inkişof bəkarde.