İron bə Əfğanion əleyh Donald Trampi bəyon bıə rasizmə sohbəton məhkumış karde.

İroni xarıci vəzarətxonə sıxənəvot Trampi bə Əfğanion be ehtıromətiəkə rasizmə sohbəton məhkumış karde və əvış beynəl xalğ sahədə anti sulh və anti əmniyyəti hərəkət zınəş be.

Bə İrna raporti əsos Seyed Əbbas Mosəvi Amerkə xarıci vəziri jıqonə sohbətonış ğəbol nıkardə nin zınəş be və votışe: İron çı Əfğanıstoni dust və bevə kişvəri muğavim iyən alimə dıvlət və milləti kənoədə bemande.

Əfğanıstoni eks prezident Hamed Kərzəy həm Trampi jıqo sohbətonış məhkumış karde və əvış bə Əfğanion tohin karde nımonə zınəş be.

Əv votışe: Amerkə dıvlət insoni kəromət iyən bəşər həxon xoto hiç əhəmiyyət dodə ni iyən vey kərə bə Əfğanıstoni millət və milli hakımiyət xəyonətış karde.

Hamed Kərzəy Əfğanıstoni barədə Amerkə və Pakistoni miyono məxfi muzakirəon barədə ıştə niqərani elanış karde.

Xəbə ome Donald Tramp zinə Vaşenqtonədə de Pakistoni i minə vəzir Umran Xan vindemon karde votış be: karde bəzne i haftə mıddətədə Əfğanıstoni canqədə səbarz bıbu əmmo de ım hərəkət 10 milyon nəfər nezi Əfğanıstonədə kıştə iyən dınyo fərizəku məhv bəben.

Im vindemoni bəpeştə xəbə ome ki Pakistoni i minə vəzir pidəş de Talebani ali rəhbəron vindemon və muzakirə bıkə; Əfğanıstoni rəsmi şəxson ım məsələku niqəranin.