De Həzrət imom Muhəmməd Təği(ə) şəhodəti sorəqardışi mınosibəti səbəsəloməti

İslamiyə İron dınyo şiəyon 9 nə imom Həzrət imom Muhəmməd Təği(ə) cəvaduləimmə şəhodətə şəvədə bə matəm nıştin.

Imruj cumə hicri ğəməri 1440 nə sori ziğədə 30 bərobər de milady 2019 minnə sori avqosti 2 Həzrət imom Muhəmməd Təği(ə) şəhodəti sorəqardışe.

Həzrət imom Muhəmməd Təği(ə) hicri ğəməri  195 nə sori rəməzanə manqi bə dınyo omə və ıştə əzizə dədə dınyo şiəyon 8 nə imom Həzrət imom Rıza(ə) şəhodəti bəpeştə mısılmonon imomət və rəhbərətiş bə qi qəte.

Həzrət imom Cəvad(ə) jimon və imoməti devran islamiyə mədəniyəti inkişaf iyən islam dınyo etığodi və fəlsəfiyə fikon tərvic be devran be.

de mıxtəlif məzhəbon alimony bəhs və munazirə icloson bərpo karde ,milləti təlim və tərbiyət,məxsusən alimony tərbiyət karde iyən ə devranəıdə bıə hakimon tərəfo bə insoniyəti zid siyasəton oşko karde mincumlə Həzrət imom Muhəmməd Təği(ə) elmi,mədəni və siyasiyə fəaliyyətonku be.

İslamiyə İroni həmmə vıronədə bıə cəmaət Həzrət imom Muhəmməd Təği(ə)  şəhodəti sorəqardışədə məçiton,təkiyəon,Məşhədı şəhrədə şiəyon 8 nə imom Həzrət imom Rıza(ə) pokə hərəm və Ğom şəhrədə Həzrət Məsumə(s) pokə hərəmədə əzadarəti kardən.

İron İslam Respublika telerədyo dınyo şiəyon 9 nə imom Həzrət imom Muhəmməd Təği(ə) şəhodəti sorəqardışi mınosibəti bə həmmə mıslmonon iyən dınyoədə ozodəti tələb kardəkəson səbəsəloməti dodə.